Велікодны цуд Вольгі Корзун

У перыяд паміж святкаваннямі каталіцкай і праваслаўнай Пасхі ў Вольгі Корзун здарыўся самы сапраўдны цуд: ёй нарэшце вярнулі сына!

Напярэдадні органы апекі прыйшлі ў дом, дзе жыве Вольга, каб праверыць умовы, у якія будзе вернута дзіця. А пасля некалькіх дзён мясцовыя органы выканалі рашэнне Брэсцкага абласнога суда і вярнулі Арсенія з прыёмнай сям’і.

Спатрэбіўся год няспыннай барацьбы, судовых разбіральніцтваў, экспертыз, каб аднавіць права маці і сына быць разам. Спатрэбіўся год нашых публікацый, якія таксама прыцягвалі ўвагу да сітуацыі, якая стала прэцэдэнтам у сферы абароны праў людзей з інваліднасцю. Юрысты Офіса па правах людзей з інваліднасцю кажуць, што і надалей будуць сачыць за сітуацыяй, якая будзе складацца ў сям’і.

Вікторыя Булатая