У Горадні адкрыўся цэнтр дапамогі дзецям з самай цяжкай формай інваліднасці

Поддержи

Рубрика : Реабилитация.

Пры горадзенскім дзіцячым хоспісе адкрыўся паліятыўны цэнтр, дзе дапамагаюць дзецям з самай цяжкой формай інваліднасці. Памяшканне пад яго бясплатна дала праваслаўная царква, передае svaboda.org.

Царква, побач з якой адкрыўся паліятыўны цэнтр

Цэнтар паліятыўнай дапамогі адкрыўся пры Горадзенскім дзіцячым хоспісе ў сярэдзіне ліпеня. Памяшканне бясплатна перадаў хоспісу прыход храма прападобнамучаніка Серафіма, архімандрыта Жыровіцкага. Ягоны настаяцель айцец Іаан Велісейчык будаваў цэнтар для паломнікаў, а калі пачуў, што хоспіс шукае будынак, вырашыў ахвяраваць гэтае памяшканне.

Тут будуць аказваць сацыяльныя паслугі невылечна хворым дзецям з хоспісу. Хоспіс апякае сёння 66 сем’яў, якія выхоўваюць такіх дзяцей. Таксама паслугі будуць аказваць усім цяжка хворым дзецям за ахвяраванні.

Паслугі паліятыўнага цэнтру − класычныя ЛФК і масаж; укладкі, якія дазваляюць правільна раскласці рукі і ногі дзіцяці, каб цягліцы расслабляліся; нетрадыцыйная форма ўсходняй мэдыцыны − Су-джок-тэрапія; паслугі псыхолага. Тут працуюць абілітолагі, псыхолаг, спэцыяліст па камунікацыі з бацькамі, Су-джок-тэрапэўт, шукаюць сацыяльнага работніка.

Раней тут ладзілі дабрачынную акцыю «Хвалі дабрыні» − у хоспісе малявалі карціны, а потым рабілі выстаўку і прадавалі іх. Так хоспіс набыў абсталяванне для дзяцей, агульным коштам каля 20 тысяч эўра.

Су-джок-тэрапэўт Ірына Адамаўна

Адмысловыя крэслы дапамагаюць надаць дзіцячаму целу такое становішча, калі ня так моцна баліць. Хадункі для дзяцей з гіпэртонусам вучаць малых хадзіць. Сэнсорны гамак дазваляе дзіцяці асэнсоўваць сябе ў прасторы, атрымліваць новыя адчуванні без болю.

Гіпатрэнажэр замяняе каня, ён такі ж цёплы, робіць такія ж рухі. Столік з ацяпленнем грэе адразу косці, ад касцей цяпло ідзе да цягліцаў і расслабляе іх.

Адмысловае крэсла для дзяцей з інваліднасцю

Матрац, які цалкам адаптуецца пад самыя дробныя няроўнасці дзіцячага цела, дапамагае глыбока расслабіцца і здымае боль, як быццам у вадзе.

Сэнсорны гамак
Абілітолаг Ірына Антонаўна робіць масаж Каці, якая мае інваліднасць

«Вельмі шмат што цяжка хворым дзецям супрацьпаказана. Мы павінны знайсці такія прыстасаванні, так са спэцыялістамі падысці, каб можна было не пакласці і чакаць, пакуль дзіця памрэ, а каб можна было з ім працаваць. З любым дзіцем можна працаваць», − кажа дырэктарка хоспісу Вольга Вялічка.

Гіпатрэнажэр

Паліятыўны цэнтар запрашае да сябе спэцыялістаў, мэдыкаў, абілітолагаў, рэабілітолагаў, сацыяльных работнікаў, псыхолагаў, якія гатовыя вучыцца, пераймаць досвед і пазней дапамагаць цяжка хворым дзецям. Тады дзецям не патрэбна будзе ездзіць за мяжу, каб атрымаць рэдкія сёння ў Беларусі паслугі.

Вольга Вялічка

«Тут так класна, свежае паветра, тут зусім па-іншаму [пачуваюцца] дзеці. Тут як дома, там [у асноўным будынку хоспісу] усё ж паліклініка. Тут адчуваецца, што сваё, роднае, набліжана да хатніх умоваў. Больш месца. Ёсць царква, касцёл, можна вазіць дзяцей на прычасце», − кажа маці Дашы Аксана.

У будучыні тут плануюць стварыць месца сацыяльнай перадышкі для жанчын, якія выхоўваюць дзяцей з інваліднасцю. Будзе працягваць працу бацькоўскі клуб.

Хоспіс у Горадні − недзяржаўная, некамэрцыйная арганізацыя. Яна існуе дзякуючы спонсарскай дапамозе перадусім буйных беларускіх прадпрыемстваў, ахвяраванням людзей і праектнай дзейнасці (гранты). Дзяржава не выдзяляе сродкаў на яе ўтрыманне.

Присоединяйтесь к нам! Telegram Instagram Facebook Vk

Комментарии

Авторизуйтесь для комментирования

К сожалению, мы обязаны идентифицировать Вас, чтобы разрешить публиковать отзыв.

С 1 декабря 2018 г. вступил в силу новый закон о СМИ. Теперь интернет-ресурсы Беларуси обязаны идентифицировать комментаторов с привязкой к номеру телефона. Пожалуйста, зарегистрируйте или войдите в Ваш персональный аккаунт на нашем сайте.