Роднай мове прысвяцілі мерапрыемства ў Браславе з удзелам людзей з інваліднасцю

У  ТЦСАН Браслаўскага раёна з удзелам наведвальнікаў аддзялення сацыяльнай рэабілітацыі, абілітацыі інвалідаў і членаў Браслаўскай РА ГА «БелТІ» прайшло інфармацыйнае мерапрыемства, прысвечанае роднай мове.

Мерапрыемства правяла Таццяна Мядзель, спецыяліст аддзялення і былы настаўнік беларускай мовы і літаратуры. Хлопцы і дзяўчаты размаўлялі на роднай мове, адгадвалі загадкі, гаварылі пра помнік літары «Ў», які бачылі падчас экскурсіі ў Полацк, пра беларускіх пісьменнікаў, паэтаў, сучасных спевакоў беларускай эстрады. Напрыканцы сустрэчы праслухалі песні на беларускай мове ў выкананні Аляксандра Жураўскага, члена Браслаўскай раённай арганізацыі Беларускага таварыства інвалідаў і падапечнага аддзялення. Таксама слухалі і спявалі беларускія песні з рэпертуару гурта «Дразды».

Наш кар.

Новости из жизни белорусов с инвалидностью в нашем Telegram-канале. Подписывайтесь!