Параненасць ёсць у кожным

Поддержи

Рубрика : Эксклюзив.

Сядзім ў манастырскай трапезнай. Я распавядаю, як упершыню ночыла тут. І патрапіла ў адзін пакой з бабуляй. Яна ўвесь час плакала, жалілася мне, што прыехала ў манастыр, каб пажыць і аднавіцца пасля смерці сваёй…коткі! З аднаго боку смешна, з іншага – жахліва, бо разумееш усе маштабы адзіноты.

Насупраць нас села маладая прыгожая жанчына з трыма дзецьмі. Яна падслухала нашу размову і спакойна сказала мне:

– Сястра, ведаеце, бываюць людзі вельмі моцна і глыбока паранены. Так паранены, што смерць коткі – так, гэта трагедыя. Я была згодная з ёй. Але замоўкла ад няёмкасці. Пасля ўжо разгаварыліся. Яны з мужам прыехалі на семінар па залежнасцях у Жыровічы.

– А дзеці? – пытаю.

– А з дзецьмі мы ставім тут батлейку. Мы з прыхода ў Сокале (пад Менскам).

– Ого! З мужам служыце?

– Ды не, проста жывём, – яна замялася, – ведаеце, шмат параненых людзей кідаецца ў служэнні. І сыходзяць поўнасцю ў сястрынства. Іх не абмінаюць залежнасці і сузалежнасці. Мы не пазіцыянуем сваю працу пры храме як служэнне, хоць і спектаклі ставім, і з дзецьмі займаемся, і ладзім канцэрты. Мы проста жывем. І я сама ведаю, што такое параненасць. Я разумею тых людзей,у якіх ёсць усё і яны няшчасныя. Яны не скажуць нікому пра сваё няшчасце. Бо настолькі моцна параненыя… У мяне было ўсё. Але толькі з Богам я стала шчаслівая.

Яна глядзіць на мяне, усміхаецца. Не ведаю, што мелася на ўвазе пад словам «усё». Толькі выпрабаванняў ёй хапіла. Узяць проста трох мужчын-інвалідаў у яе сям’і. Яна выцерла роцік самаму маленькаму, адказала на тролінг старэйшай, што стала адказваць нам па-беларуску, і пабегла на семінар.

А я ўвесь дзень разважала над яе словамі. Бо сама ведаю, што такое параненасць. Толькі ўпасці можна праз яе не толькі ў шкодныя залежнасці, але і ў добрыя – калі жыцця няма, ёсць толькі служэнні. І словы гэтай жанчыны адкрылі мне гэта ў поўнай ступені.

Ведаю, але часта забываю, што параненасць ёсць у кожным. І рана загаіцца толькі тады, калі не будзеш на яе націскасць увесь час, але капнеш хоць адну кропельку ялею.

 

Вікторыя ЧАПЛЕВА

Присоединяйтесь к нам! Telegram Instagram Facebook

Комментарии

Авторизуйтесь для комментирования

К сожалению, мы обязаны идентифицировать Вас, чтобы разрешить публиковать отзыв.

С 1 декабря 2018 г. вступил в силу новый закон о СМИ. Теперь интернет-ресурсы Беларуси обязаны идентифицировать комментаторов с привязкой к номеру телефона. Пожалуйста, зарегистрируйте или войдите в Ваш персональный аккаунт на нашем сайте.