Раз ступенька, два ступенька…

Рубрики: Новости, Проекты.

Не ўсе ведаюць, хто такія валанцёры. Калі зазірнуць у слоўнік, то валанцёр – гэта чалавек, які ўдзельнічае абсалютна бясплатна ў розных сацыяльна значных кампаніях: распаўсюджвае неабходную інфармацыю, падрыхтоўвае і праводзіць грамадскія акцыі. У нашай краіне валанцёрская дапамога развіта выдатна. Пра магчымасці для добраахвотнікаў, міжнародныя праекты і арганізацыі, якія займаюцца справамі дабрачыннасці, жадаючыя змаглі даведацца 13 сакавіка на базе моладзевага цэнтра «Прыступкі».

Быць валанцёрам – значыць аддаваць частку свайго часу ўдзелу ў сацыяльна значных праектах, такіх, якія паляпшаюць наша жыццё. Валанцёрства бязвыплатна, добраахвотна. Гэта лад жыцця сучаснага цывілізаванага чалавека. Асаб-ліва маладога. Як падкрэсліў старшыня Беларускай асацыяцыі клубаў ЮНЕСКА Дзмітрый Юр’евіч Субцэльны: «Галоўная мэта любых праектаў – аб’яднаць людзей розных узростаў для прапаганды агульначалавечых ідэалаў і каштоўнасцяў». Сюды адносіцца як дапамога людзям з абмежаванымі магчымасцямі, так і задачы захавання міру, абароны правоў чалавека, аховы навакольнага асяроддзя і нават садзейнічанне ўсеагульнай адукацыі.

Анастасия Минкевич, ЮНЕСКОДаць максімум для развіцця кожнаму ўдзельніку – вось што важна. Прадстаўнік арганізацыі прапанаваў усім прысутным паўдзельнічаць у міжнародным валанцёрскім археалагічным лагеры «Замкі Беларусі». Гэта акцыя праходзіць ужо другі год на тэрыторыі Мірскага замка і на сёння з’яўляецца адной з самых маштабных і значных. Арганізатарамі запланавана стварыць турыстычны аб’ект на месцы згарэлай сядзібы Святаполк-Мірскіх. Да ўдзелу запрашаюцца маладыя людзі, якія дасягнулі паўналецця. У мінулым годзе ў акцыі ўдзельнічалі прадстаўнікі іншых краін, такіх як Кітай, Турцыя, Егіпет. Сваім меркаваннем адносна дабрачынных акцый падзялілася менеджар маладзёжных праектаў сакратарыята РГА «БелАЮ» Анастасія Мінкевіч: «Нашы валанцёры знаходзяць дзіўныя артэфакты: старадаўнія манеты, элементы посуду, старажытных вадаправодаў. Не абыходзіцца і без знаходжання элементаў чалавечых парэшткаў». Асаблівым гонарам для добраахвотнікаў у свой час было знаходжанне фамільнага герба Радзівілаў. Вядома ж, у падобных праектах людзей прыцягвае тое, што яны будуць трымаць у руках экспанат яшчэ да таго, калі ён будзе апісаны і перададзены ў музей.

Пра магчымасці ў справе валанцёрскай працы прысутным распавяла каардынатар мясцовых праектаў Рэспубліканскай маладзёжнай грамадскай арганізацыі «Ліга добраахвотнай працы моладзі» Вольга Краўчанка: «Мы дапамагаем лю-дзям перамагчы свае стэрэатыпы, пазнаёміцца з новымі людзьмі, спазнаць сябе, раскрыць таленты ў сабе і тых, хто побач». Арганізацыя запрашае ўдзельнічаць у трэнінгах, семінарах, праходзіць практыкі за мяжой, якія могуць інтэгравацца ў беларускую супольнасць. Асабліва цікавай маладым людзям здалася прапанова паехаць у міжнародныя валанцёрскія лагеры. Там можна атрымаць вопыт у рэстаўрацыйных або археалагічных праектах, папрацаваць з дзецьмі, у тым ліку і з інваліднасцю, а таксама паўдзельнічаць у падрыхтоўцы пляцовак для правядзення фестываляў.

Ольга Кравченко, Лига добровольного труда молодежиВялікай папулярнасцю ў добраахвотнікаў карыстаецца студэнцкі валанцёрскі атрад «Рэспубліка». Маладым людзям даецца магчымасць паспрабаваць сябе ў якасці важатых. Спецыялісты арганізацыі праводзяць трэнінгавы курс і майстар-класы на тэму таго, як выбудоўваць адносіны з дзецьмі. Гэта дазваляе зрабіць узаемадзеянне больш плённым. Ёсць і міжнародныя доўгатэрміновыя праекты ад двух месяцаў да аднаго года. У іх можна паўдзельнічаць праз «Еўрапейскую валанцёрскую службу». Гэта ўнікальная магчымасць для кожнага чалавека адкрыць у сабе нешта новае, даведацца, чым можна займацца ў будучым, праз свой асабісты вопыт, выбраць уласны шлях.

Па ўсім відаць, маладым людзям спадабалася сустрэча. Пра гэта сведчыць вялікая колькасць пытанняў да спецыялістаў арганізацый. Многіх засмуціла тое, што ў большасці праектаў могуць браць удзел толькі паўналетнія. Праектаў для малодшай аўдыторыі значна менш. Аднак яны ёсць.

Молодежный центр Ступени, волонтерствоВа ўсіх цывілізаваных краінах валанцёрскую працу лічаць неад’емнай часткай жыцця любога грамадзяніна. Калі ты ў сілах – ты дапамагаеш грамадству. Гэта канцэпцыя сацыяльнай адказнасці кожнага чалавека. Валанцёрскія праекты – гэта велізарнае поле для творчасці. Калі вы знаходзіцеся ў пошуку шляхоў самавыяўлення, паспрабуйце быць валанцёрам. Бо гэта магчымасць пазнаёміцца з людзьмі з іншага асяроддзя. Магчымасць паглядзець на свет іншымі вачыма. Для кагосьці – гэта патрэбнасць душы, для іншых – немагчымасць прайсці міма чужога гора, трэція бачаць у гэтым сваю місію ў жыцці.

Некаторыя становяцца дабрачынцамі з-за жадання быць заўсёды ў цэнтры падзей грамадскага жыцця. Нехта хоча знайсці новых сяброў або павандраваць. Валанцёрства – заўсёды новы вопыт і практыка, магчымасць атрымаць веды і навыкі ў камандзе аднадумцаў. І безумоўна, валанцёр – чалавек, які дапамае іншым, знаходзіцца ў пастаянным пошуку: новых ідэй, новых праектаў і новых сустрэч. Чаму? Таму што гэта чалавек будучыні.

Вольга Неўмяржыцкая

Фота аўтара

 

Комментарии

Авторизуйтесь для комментирования

К сожалению, мы обязаны идентифицировать Вас, чтобы разрешить публиковать отзыв.

С 1 декабря 2018 г. вступил в силу новый закон о СМИ. Теперь интернет-ресурсы Беларуси обязаны идентифицировать комментаторов с привязкой к номеру телефона. Пожалуйста, свяжитесь с нами, и мы зарегистируем для вас персональный аккаунт на нашем сайте.